Weather Update । फेब्रुवारीच्या दुसऱ्या आठवड्यापासून देशभरातील विविध राज्यांमध्ये थंडी जवळपास संपली आहे. दरम्यान, वेस्टर्न डिस्टर्बन्समुळे दिल्लीसह उत्तर भारतातील अनेक राज्यांमध्ये पाऊस पडू शकतो, त्यामुळे येत्या काही दिवसांत कमाल तापमानात घट होण्याची शक्यता असल्याचे हवामान खात्याने म्हटले आहे. त्याचवेळी हिमाचल प्रदेशात बर्फवृष्टी होत आहे. पर्वतांवर पडणाऱ्या बर्फामुळे उत्तर भारतात पुन्हा एकदा थंड वारे वाहण्याची शक्यता आहे.
Milk rate । दुध अनुदानाची संपली मुदत, आता होणार दुधात दरवाढ?
दिल्लीत ढग बरसतील
हवामान खात्याने (IMD) दिलेल्या माहितीनुसार, 20 आणि 21 फेब्रुवारी रोजी दिल्लीत पाऊस आणि मेघगर्जनेसह पाऊस पडू शकतो. त्यानंतर 22 फेब्रुवारीपासून हवामान निरभ्र होऊन उष्णता वाढण्यास सुरुवात होईल. IMD नुसार, देशाची राजधानी दिल्लीत किमान तापमान या संपूर्ण आठवड्यात 8 ते 11 अंश सेल्सिअस दरम्यान राहू शकते. त्याचबरोबर कमाल तापमान 23 ते 26 अंश सेल्सिअसच्या दरम्यान राहण्याची शक्यता आहे.
Milk rate । दुध अनुदानाची संपली मुदत, आता होणार दुधात दरवाढ?
देशातील हवामान कसे असेल?
हवामान विभागाच्या मते, 22 फेब्रुवारीपर्यंत जम्मू-काश्मीर, लडाख, गिलगिट-बाल्टिस्तान, मुझफ्फराबाद, हिमाचल प्रदेश आणि उत्तराखंडमध्ये हलका ते मध्यम पाऊस आणि हिमवृष्टीसह काही मुसळधार पाऊस आणि विजांचा कडकडाट होण्याची शक्यता आहे. 18 फेब्रुवारीला जम्मू विभागात, 18 आणि 19 फेब्रुवारीला हिमाचल प्रदेशात आणि 18 ते 21 फेब्रुवारी दरम्यान उत्तराखंडमध्ये वेगवेगळ्या ठिकाणी गारपीट होऊ शकते.
Dairy farming । आता म्हैसच सांगणार मी आजारी आहे, उद्या कमी दूध देईल; लवकरच येणार सेन्सर
त्याचबरोबर, पंजाब, हरियाणा, दिल्ली आणि पश्चिम उत्तर प्रदेशमध्ये 19 ते 21 फेब्रुवारी दरम्यान आणि पूर्व उत्तर प्रदेश आणि उत्तर मध्य प्रदेशात 20 ते 22 फेब्रुवारी दरम्यान हलका ते मध्यम पाऊस पडण्याची शक्यता आहे. 19 ते 21 फेब्रुवारी दरम्यान उत्तर राजस्थानमध्ये काही ठिकाणी हलका ते मध्यम पाऊस पडण्याची शक्यता आहे. याशिवाय 19 ते 20 फेब्रुवारी दरम्यान पंजाब, हरियाणा, दिल्ली आणि पश्चिम उत्तर प्रदेशमध्ये विजांच्या कडकडाटासह वादळ आणि जोरदार वाऱ्यासह गारपीट होण्याची शक्यता आहे. वारे वाहण्याची शक्यता आहे.
